1706/2024-2025
Siaha the 23rd August 2024: Siaha District Bawrhsap Pu VL Hruaizela Khiangte chuan Siaha District chhungah dan phal lova kuhva lak luh leh phurh chungchangah a hnuai tarlan ang hian thupek a chhuah.
ORDER
Mizoram chhung hmun thenkhatah dan phal lovin ram pawn Myanmar atangin kuhva chawkluh thin a ni tih hriat a ni a, he thil hi dan bawhchhiatna lian tak a nih mai piah lamah kan kawngpuite a tichhe nasa hle thin bawk. Sawkar laipui, Ministry of Home Affairs leh Mizoram Sawrkar pawhin dan phal lova sumdawnna hi a lo tawp theih nan thupek an lo chhuah fo tawh thin a. Siaha District chhungah pawh hian dan phal lova kuhva phurh a awm loh nan thupek chhuah tulin ka hria a.
Chuvangin, kei, VL. HRUAIZELA KHIANGTE, DISTRICT MAGISTRATE, SIAHA DISTRICT, hian Section 163 of Bharatiya Nagarik Suraksha Sanhita, 2023-in thuneihna min pek angin, hetiang hian thupek ka chhuah e.
Mi tu-pawh Siaha District huam chhungah dan lova kuhva lak luh leh phur khapna thupek ka chhuah e.
Hemi dan bawchhetute chu Section 223 of Bharatiya Nyaya Sanhita, 2023 hmangin na taka hrem theih an ni.
He thupek hian chhuah a nih atanga thla hnih (2) chhung a huam ang.
He thupek hi nemnghetin vawiin ni 22rd August, 2024 hian hming ka ziah hnan e.
