649/2025-2026

Dated Kolasib the 29th May 2025: Vawiin khan Kolasib Venglai Bazar chungah Vikshit Krishi Sankalp Abhiyan Pre Khariff Campaign Vailiamna puala hun hman a ni a. He hun hi Pu Joseph Lalnuntluanga DAO  Kolasib District chuan kaihruaiin, Pu Robert C Lalhmangaiha, Kolasib DC chu khuallian a ni a, Department hrang hranga mithiam bikte hnen atanga thusawi ngaihthlak a ni bawk.

He hunah hian khuallian , Kolasib DC chuan thu sawiin, Vikshit Krishi Sankalp Abhiyan Pre Khariff Campaign 2025 chu  leilung behchhana eizawngtute leh ranvulhtute hamthatna tur sawrkar ina ruahmanna a siam a ni, a ti a. Loneitute an mahni hmun ngeia hemi kawnga mithiam bik ten zirtirna an pe tur chu a hlawkthlak dawn hle a ni tiin VKSA campaign chu a hlawhtlin ngei a ring tlat a ni, a ti.

DC chuan Vikshit Krishi Sankalp Abhiyan Pre Khariff Campaign chu khawvela India in ram develop leh ropui ber  nihna a hauh theihna atana Prime Minister vision, vikshit bharat tih hlawhtlinna peng pakhat a ni a ti a. Ei leh bar a intodelh chu ram intodelh nana pawimawh ber pakhat a nih thu sawiin, fur ruahtui hman tangkai a, thlai fura to thin chingtute tana tangkai leh hlawk zawka an thlai te an enkawl theihna tur atana pre khariff campaign chu ngai pawimawh  theuh turin kalkhawmte chu a chah a; veng leh khaw hrang hranga an la neih tur a zirtirna an inpek ah te Kolasib District a loneitute chu tel vek se tih chu a duhthusam a ni, a ti.

Dr Michelle Lallawmkimi, Senior Scientist and Head,KVK chuan Vikshit Krishi Sankalp Abhiyan Pre Khariff Campaign chungchang sawizauna neiin, kut hnathawktute, a bik takin lo neih, huan thlai siam leh ranvulhtute kan eizawnna a min puih theih na tur campaign a ni, a ti a. Prime Minister Narendra Modi  in vikshit bharat vision a nei a, chumi bawhzui nana ei leh bar a intodelh na tur campaign a ni, a ti. Campaign chu ni 15 chhung awh tur niin, June ni 12 ah zawh a ni anga, KVK, Agri, Horti,Vety , fisheries leh hemi campaign atana mithiam bik ten an thiamna bik lamah khaw /VC 60 ah an kal chhuak anga , farmer te an zirtir theih ang ang an zirtir dawn a ni a ti bawk.

Vawiina Vikshit Krishi Sankalp Abhiyan Pre Khariff Campaign Vailiamna ahhian loneitute leh kuthnathawktute thahnem tak an kalkhawm a, thusawina neih zawhhian VKSA Campaign vailiamna hi  DC hian a hmang nghal  a ni.