3570/2022-2023
Dated Kolasib: The 13th February, 2023: Tunlai hian khua a thalin a ro tan hle a. Hemi hun lai hi kangmei chhuah duh hun a nih avangin mitin kan fimkhur zual a tul hle a ni. Kangmei hian kan in leh lo, kan neih rohlute mitkhap kar lovah a ti chhe thin a. Tin, kan buh leh bal, thlai hmunte nasa taka a tih chhiat theih bakah ramngaw, boruak thinghlim leh tui hna min siam saktu a ti chhia in, ramsa leh nungcha tam tak suata, an chhenna hmun ti chereu thei a ni.
Kangmei laka inven hi mitin mawhphuma a ni a. Keimahni min nghawng nghal (direct effect) lo mahse eng emaw zawng takin ngawng chhawng (indirect effect) a neih theih avangin kangmei chhuak thei ven kawngah tan kan lak a tul tak zet a, tan i la tlang theuh ang u.
Chuvangin, kangmei laka kan him theih nan heng a hnuaia tarlante hi zawm ngei tur a ni:-
1. Kan chenna In leh bul hnaiah kang awlsam (e.g petrol, diesel, khawnvartui adt.) a awm leh awm loh finfiah a, a awm a nih chuan hmun him thei ang ber a dah tur a ni.
2. In chhung electric wiring fel lo lai a awm a nih chuan siam that nghal tur a ni.
3. Eirawng bawl lai, Sa rep leh vawk chaw chhum laiin vil lova kalsan loh tur a ni a, tha taka tihmit tur a ni.
4. Naupang khawih mai theih in mei chhemna hmanrua dah loh tur a ni.
5. Ram kal thin ten meizial bung tihlum lovin paih mai mai loh tur. Tin, tul lovah mei chhem loh tur a ni a. Tulna avanga kan chhem a nih pawhin timit lova kalsan loh tur a ni.
Kangmei a lo chhuahin rang takin Fire Station hnai ber phone number a hnuaia tarlanah hian
hriattir vat tur a ni. Heng number hi hmuh mai theihna hmunah ziaka tar emaw/mobile phone contact a save nise.
Kolasib Fire Station- 9627966100 / 03837220101
Vairengte Sub-Fire Station - 9366651918
He office order vide Dt. 13.6.2022 in khua/veng hrang hrang bialtu Zonal Officer ruat an ni a.
Kangmei leh khuarel chhiatna a thlen reng rengin bialtu Zonal Officer hnenah a rang thei ang berin hriattir tur a ni.
