No.7374/2020-2021

Vawiin chawhnu khan DC Conference Hall Kolasibah kangmei lak a fimkhur inzirtirna kawng pakhat, kum tin a kalpui thin,’ Fire Prevention Week’ hman dan tur relin District Level Fire Prevention Committee te chuan thutkhawmna an nei a. Pu. Lallawmawma, Addl DC in hun kaihruaiin Pi. N.Viji, IFS, DFO Kolasibin ruahmanna hrang hrang awm te sawi zauna hun a hmang bawk a ni.

District Level Fire Prevention Committee, Kolasib district thukhawm chuan kangmei venna hapta hawnna hun chu ni 8, February 2021 a hman nise tiin a rel a, hemi hapta chhung hian in kang leh ram kang a thlen loh nan fimkhurna kawng hrang hrang uar zawk a inzirtir nise tih a ni bawk a ni. DFO Pi. N.Viji chuan hri leng vangin mipui punkhawmte khap a nih avangin Fire Prevention week 2021 chhung hian Kolasib district chhung a thutharlakhawmtute leh Digital Media platform-te chu, kangmei lak a fimkhurna inzirtirna kawngah, tangkai tak a hman tum an nih thu a sawi a, sawrkar department dangte leh tlawmngai pawl hrang hrangte chu thawhhopuiah a sawm bawk a ni.

Committee chuan Fire Prevention Week chhung hian khaw chhung hmun laili laiah te inzirtirna thuziak tarchhuah nise a ti a, YMA-te nen thawhho dan ngaituah a, kawng dung a hnahthel leh thing rote then fai hnatlang kalpui nise a a ti bawk a ni. Ram hal tur te chuan March ni 15, 2021 hma ngei a hal tur a nih thu te leh hemi chungchangah hian VC-te nen ruahmanna siam a DLAO hnena hriattir hmasak thin tur a nih thu ngaihthlak a ni. Kangmei lak a fimkhurna kalpui kawng a veng/khua titha thlan chhuahna a awm tur thu sawi a ni a, pakhatna hian Cheng 50,000, pahnihna Cheng 30,000 leh Pathumna cheng 20,000 a ni ang a, a endiktu tur te pawh ruat nghal an ni bawk.