1205/2023-2024

Kolasib dated 20th July 2023: Vawiin chawhnu khan Kolasib Deputy Commissioner pisaah Kolasib district chhung a vote thlak pawimawh zia inzirtirna tur, Systemic Voters’ Education and Electoral Participation (SVEEP) kalpui dan tur relin thutkhawmna neih a ni a. Pu John LT Sanga, District Election Officer, Pi Christina Lalmuanzuali, Election Officer leh Pu Hmingthanzuala, SVEEP Nodal Officer-te an tel a ni.

Thutkhawmnaah hian India khua leh tui, kum 18 tling tawh te chuan vote an thlak theih nan a hun tak a Electoral Roll-a inziah luh a pawimawh thu te, Vote hralh lo tur a inzirtirna te, mipui rorelna tichak leh zual tur a vote thlak a pawimawh thu te, School leh college-a SVEEP campaign kalpui dan tur leh Social media hman tangkai dan tur te sawi a ni a. Kolasib khaw chhung hmun laili lai ah Vote thlak pawimawhna pho lang thei bang a lemziah ni se tih a rel niin a hmun atan DC Pisa bang leh Parkkawn thlan a ni bawk.