No.3376/2021-2022

Aizawl 13th December 2021: Vote thlak thei tur a kum tling tharte leh zirlai kum 18 tling thar mai turte tan a inthlanna kalphung inzirtirna, Systemic Voters Education & Electoral Participation (SVEEP) kaltlanga buatsaih ‘Voters Awareness Campaign’ chu vawiin khan Bairabi Higher Secondary School-ah neih tan a ni a. He hun hi Pu Hmingthanzuala, Nodal Officer, SVEEP, Kolasib district-in kaihruaiin Pi Rebecca Laldinmawii Hrahsel, SDO(C), Kawnpuiin naupangte zirtirna a pe a ni.

Pu Hmingthanzuala chuan mipui rorelna tichiang tur leh tichak tur chuan kan aiawh tur a kan duh thlang chhuak tur a kan chanvo, Vote thlak hi kum 18 tling tawh tan chuan mawhphurhna pawimawh tak a nih thu sawiin Bairabi Higher Secondary School naupangte chu kum 18 an tlin velah Electoral Roll-a inziahluh ngai pawimawh theuh turin a chah.

Pi Rebecca Laldinmawiin Hrahsel, SDO(C) chuan ram inrelbawlna kawnga Democracy kalphung sawi zauna leh kum tling tawhte chuan an duhthlanna nemngheh nan vote thlak a pawimawh zia a sawi a. Special Summary of Electoral Roll kalpui a nih dante, kum tling tharte Roll-a inziahluh nana thil pawimawhte, veng emaw khaw danga pem te tan Electoral Roll-a inziahluh that dan turte leh Voter helpline Mobile Application hman dan tur tlangpui hrilhhriatna hun a hmang bawk a ni.

SVEEP kaltlanga Higher Secondary School zirlaite hnen a ‘Voter Awareness Campaign’ hi ni 14 leh 16, December hian Bilkhawthlir leh Vairengteah neih chhunzawm tur a ni dawn a ni.