No.3375/2021-2022

Aizawl, the 13th December, 2021: Christmas leh Kumthar hun inbuatsaihna atana mipuiten chakkhai an lam awlsam zawk nan leh mipui vantlang an lo him zawk nan Kolasib SP chuan lirthei khuahkhirhna leh tlan dan tur ahnuaia mi ang hian mipuite zawm tur thuchhuah a siam.

Diakkawn Bazar, Pu Lalnuntluanga (Valtea) Thingpui Dawr atanga Nursery veng phei, Pu Lalbiaktluanga In, Nursery Veng thleng hi Christmas Bazar atan siam a ni a. Dt. 21.12.2021 (Tuesday) leh Dt. 22.12.2021 (Wednesday)-ah hian a chunga kan sawi Christmas Bazar area-ah hian zing dar 7:00 AM atanga tlai dar 5:30 PM thleng eng lirthei mah tlan luh phal a ni lo. Jubilee Road leh New Diakkawn lam atangin eng lirthei mah luh phal a ni lo. Tin, Dt. 29.12.2021 leh Dt. 30.12.2021-ah hian a chunga kan sawi ang hian zing dar 7:00 AM atanga tlai dar 5:30 PM thleng eng lirthei mah tlan luh phal a ni lo ang. Tin, Diakkawn Bazar panna, kawngpui Mizo Hotelpui peng atangin Diakkawn Bazar panin Dt. 23.12.2021, Dt 24.12.2021 leh Dt. 31.12.2021-ah te eng lirthei mah luh phal a ni lo.

He thuchhuah hian Dan leh Thupek kenkawh kawnga Police leh Magistrate duty te, Medical emergency duty te, Christmas Bazar area a awm lirthei neite leh rikrum thila duty te a huam lo ang.

He thuchhuah zawm lote chu MV Act 177 hmanga hrem theih an ni.