Vawiin khan Kolasib District Anti Tobacco Squad te chu an chairman DC Pi Niharika Rai, IAS hovin a office Chamber-ah an thukhawm a. Sawrkarin zawrh a khap mek Tobacco atanga thil siam chi hrang hrang Gutkha/pan masala leh zarda te chu khap a nih ang ngeia tihrem dan tur leh leh COTPA dan hman mek chu District chhunga khauh lehzuala lekkawh nise an ti.

Pi Niharika Rai chuan, heng sawrkar Dan in a khap mekte hi kan hriselna nasa taka min tichhe theite an nih avangin khauh taka Dan kan kalpui a ngai ta a ni, a ti a. Mipui nawlpuiin heng Dan tehi kan hriat a kan zawm theih nan inhrilhhriatna nipah fawma Bazar leh Dawr te pawh a tul anga check a ngai a ni, a ti a. Squad member te chu chak taka hma la turin a ngen a ni.

Committee-ah hian Kolasib leh District chhung hmun hrang hranga Tobacco thilsiam thatloh dan inzirtirna programme buatsaih nise tiin an rel a, hun remchang hmasa-ah member te chu vak chhuak a checking tih nise an ti bawk a ni.

Tobacco – a fihlim, zuk leh hmuam tihlohna Office leh Institution an awm a nih chuan DC Office-ah emaw CMO Office ah emaw in hriattir nise tiin Anti Tobacco Squad Committee chuan ngenna a siam nghal bawk.

Vawiin meeting ah hian Dr. Lalhlimpuia, CMO bakah member te an kal tha hle a ni.