268/2023-2024

Kolasib dated 30th April 2023: Nizan khan NKGSA Basketball Court, Hmar Veng, Kolasibah KDBBA Cup 2023 kharna hun chu Pu K.Lalrinliana, Minister, Food, Civil Supplies & Consumer Affairs Department chuan a hmanpui a.

NKGSA leh Kolasib Time Out ten final hi khelin NKGSA hian basket 101 thunin hnehna an chang a ni.
Minister Pu K.Lalrinliana chuan Kolasib țhalaite chu an hriselna atan taksa sawizawi leh infiamna hrang hrang uar zel turin a chah a, taksa hriselna chuan rilru hrisel a thlen țhin thu a sawi bawk a ni. Kolasib district chhung ah țhalaite tan infiamna hmunhma changtlung zawk a awm theih nan Sawrkarin hma a lak thu Minister chuan sawiin mizo țhalai zing ah infiamna chu eizawnna tling a hmang leh ram leh hnam tihmingțhat nan a hmang an awm thu a sawi  a, hlawhtlinna chang tur chuan tumruhna, taimakna leh mahni inthunun theihna neih a țul thu a sawi bawk a ni.

KDBBA hnuai ah hian Club 16 an inziak lut a, KDBBA CUP 2023 ah hian Club 12 an tel a ni. Final Match khelhna hun ah hian vawi khat hman plastic-in ram leilung a tihchhiat theih dan leh mihring hriselna a nghawng theih dan te, hmang tlem tur a hmalak dan tur te Pu Timothy R.Lalhmangaiha, BDO, Bilkhawthlir hnen atangin ngaihthlak a ni.