3942/2023-2024

2024 Ramtuk thla ni 23: Vawiin khan Kolasib District Bawrhsap Pu John LT Sanga chuan Kolasib District huam chhunga saza no hruai humhalh chungchangah a hnuaia mi ang hian mipuite hnena hriattirna thu a chhuah.

"Kolasib Divisional Forest Officer hnen aṭanga thu kan dawn angin tun lai hian saza no hruai Kolasib District huam chhung hmun hrang hrangah an awm mek tih hriat a ni a. Hei hi Mizoram State animal a nih angin nasa taka humhalh a ṭul a.

"Ramsa humhalh hna hi Forest department mawh bik mai a ni lo va; a mi chengte hian kan duata kan humhalh a ṭul avangin sa pela nungcha leh ramsa kan neihte tihlum an awm chuan kum 3 aṭanga kum 7 lung in tantir leh cheng 25,000 aia tlem lo chawitira hrem theihna Wildlife (Protection) Act, 1972 a awm a ni.

"Kolasib District huam chhunga mipuite'n nungchate leh ramsate humhalh kawnga theih tawp chhuah ṭheuh turin kan inngen a. VC leh YMA lam te'n ramvak emaw, sa pela nungcha tirem zawnga vakchhuak te an awm chuan a rang thei ang bera DFO, Police leh DC Office-a report tura ngen leh hriattir kan ni e."