Nimin khan Kolasib DC Pu Jitender Yadav, Cachar DC Pu S. Vishwanathan leh Counter Insurgency and Jungle Warfare (CIJW) School, Vairengte-a Deputy Commandant Brig. S.K Ahuja te chu CIJW Conference Hall-ah inkawmna neiin CIJW in harsatna hrang hrang an tawh te CIJW hotu hian DC pahnih te hi a sawipui.

Meeting ah hian helai hmuna cheng mipuite leh sipaite inkara boruak tha leh muanawm a awm theih nan thla ruk dan zelah Civil-Military meeting neih nise tiin rawtna siam a ni a. CIJW hotute chuan CIJW hi ram dang (foreign countries) 27 a sipai ten training an rawn neih ve thin avangin helai hmun hi hmun pawimawh tak a ni a, kawng engkima India hmel lanna anih vangin a bik takin Vairengte mipuite tawimawmna an mamawh bik thu a sawi lang a. Vairengte thlang a bawlhhlawh paihna tawp lutuk chu fai zawka enkawl turin DC pahnih te hi a ngen a. NH-54 a CIJW area a thli leh ruahin thing a tih tluk thin senghawi dan chungchang pawh sawilan niin hma lak dan tur sawiho a ni a. CIJW hotu hian kumin kum tawp lamah Ex-Serviceman Rally, Kolasib ah neih tum a nih thu DC Kolasib a hrilh bawk a ni.

Meeting ah hian DC pahnih bakah Kolasib S.P. Pu C. Lalzahngoa, Cachar S.P. Pu Rajveer Singh leh District pahniha officer engemaw zat leh CIJW hotu dang pawh an tel bawk a ni.