Vawiin chawhnu khan Kolasib district a Chapchar Kut 2020 lawm dan tur relin Celebration Committee ten thutkhawmna an nei a, Deputy Commissioner Pi Sangchhin Chinzah chuan he hun hi a kaihruai a ni.

Chapchar Kut 2020 hi March ni 6 ah hman tur a ni a, vawiin thutkhawm chuan Chapchar Kut lawmna chu Diakkawn Field, Kolasib a buatsaih turin a rel a ni. He Kut lawmna tur hian Mizoram sawrkar atangin Cheng Nuai 3 ruahman a nih thu tarlan a ni a. Chapchar Kut Celebration Committee chuan Kut lawmna atan a mawhphurna hrang hrang kengkawhtu turin Working Committee leh Sub-Committee te a din nghal bawk a ni.

Kolasib District chhung a Department hrang hrang hotute leh tlawmngai pawl hruaitute committee ah hian an tel a, kum hmasa lam a Chapchar Kut lawm dan thlirletna te neih niin Chapchar Kut 2020 Working Committee a hruaitu tur te chu a hnuai ami ang hian ruat nghal an ni bawk.

Chairman : President, Sub Hqrs YMA, Kolasib District
Vice Chairman : President, MCO, Kolasib
EE, PHE Kolasib WATSAN DIVISION leh District Agriculture Officer, Kolasib
Secretary : Secretary, Sub Hqrs YMA, Kolasib District