Vawiin khan DC Conference Hall, Mamit-ah District Level Coordination Committee (DLCC) chu an Chairman Dr. Lalrozama, IAS, District Bawrhsap kaihhruainain Convergence Plan of FOCUS with MGNREGA chungchang ngaihtuahin thutkhawm a ni.

Vawiin thutkhawmah hian FOCUS hnuaia hna hrang hrangte MGNREGS nena hnathawh ho dan tur ngaihtuah a ni a. Chung atan chuan thlai phunna tur khur laih, Terrace laih, leilet zawl siam that, Sangha dil siam bakah ran talhna In hmun leh ban khur laihah te thawhho tum a nih thu tarlan a ni.

Meeting-ah hian Govt. of India duhdan angin Department hrang hranga Schemes leh Projects te a theihna chen chenah thawhho (converge) tur niin Sorkar atanga hmasawnna hna lokalte chu mipuite tana chhenfakawm zawk anih theih nana Department hrang hrangte thawhhona tur sawiho zui nghal niin Convergence Plan, DAO Mamit siam chu Meeting-ah hian pawm tlan a ni a. Lo bawhzui turin DAO Mamit leh DRDA Officials-te chu lo inberawn tura tih an ni.

Vawiin thutkhawmah hian PM KISAN Scheme hnuaia Beneficiaries-te hamthatna tur sawiho nghal a ni a. He Scheme hnuaia kuthnathawktu inziaklutte chuan Sorkar laipui atangin Rs 6000/- an dawng thei dawn a. Hei bakah hian Kisan Credit Cards (KCC) hmanga kuthnathawktute hamthatna tur tarlan niin he Cards neite chuan a pung tlem zawka Bank kaltlanga Loan pek theih an nih dan leh he Card hi a tam thei ang berin an neih nan mipui hnenah zau zawka inhrilhhriat dan tur sawiho nghal a ni bawk.

Vawiin Meeting-ah hian District Level Coordination Committee members-te an tel tha hle a ni.