DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/lawngtlaiah-valentines-day-pualin-blood-donation-camp-buatsaih-a-nip

LAWNGTLAIAH VALENTINE'S DAY PUALIN BLOOD DONATION CAMP BUATSAIH A NI

Nimin (14.2.2020) Valentine's Day 2020 pual khan Association for Voluntary Blood Donation (AVBD), Lawngtlai leh Lawngtlai District Blood Bank te tang kawp huaihawtin CMO Conference Hall-ah a thlawna thisen pek runpui (voluntary blood donation camp) buatsaih a ni a, thalai rual mi 60-in thisen an pe.

He hun hi Lawngtlai AVBD President Pu Elvis Lalthangzuala'n a kaihruai a. ANM School Lawngtlai Principal Pi C. Rothangpuii chu khuallian niin, thisen pek chu mi dangte tana malsawmna nih theihna kawng tha ber a nih thu sawiin, thisen pek uar deuh deuh turin kal khawmte a sawm a. Dr Andrew Khawlthangpuia'n power point presentation hmangin blood donation camp chungchang zirtirna a pe a. AVBD Asst Secretary Tv. Lalhmachhuana'n lawm thu sawina hun a hmang bawk.

Lawngtlaia Valentine's Day puala thisen pete hi mipa 22 leh hmeichhia 41 niin, a vaiin thisen unit 63 an pe a ni.

Attachment