Nimin February ni 14 khan Mizoram Journalists' Association (MJA) Lawngtlai District chuan Lawngtlai Press Club-ah Annual Conference 2020 hmangin, kum 2020-2022 chhung atana hruaitu thar an thlang nghal.

He hun hi Vice President Pu Lalngheta Ralte chuan kaihruaiin, Secretary Pu Elvis Lalthangzuala'n hunserh a hmang a. He hun hmanpuitu Lawngtlai District Information & Public Relations Officer Pu C. Lalhruaitluanga chuan thu sawiin, journalist-te chu an ei zawnna kawngah hma sawn zawng zela kal tum tur leh mi dangte thil tha kawhhmuhtu tur an nih anga mite entawn tlaka awm turin a chah a. MJA leh I&PR Department-in thawh hona tha tak an neih chu chhawm nun zel a, kawng hrang hranga inbengvar tawn zel a pawimawh thu a sawi.

District MJA President Pu ZD Dengngura pawhin thu sawiin, term khat chhunga District MJA-in member-te thawh hona tha tak avanga hma sawnna hrang hrang an nei thei chu lawmawm a tih thu a sawi a. District MJA-in Mizoram sawrkar leh District Council te nen thawh hona tha tak an neihah lawm thu a sawi bawk.

General Secretary Pu Lalchharliana chuan kum 2019 January atanga kum 2020 January inkara MJA Lawngtlai District te chetna report a pe a. Treasurer Pu C. Zathianga chuan sum report a pe bawk.
 
Hemi hnu hian DIPRO Pu C. Lalhruaitluanga kaihhruaina hnuaiah kum 2020-2022 chhung atana MJA Lawngtlai District hruaitu tur thlan nghal a ni a. He'ng mite hi thlan chhuah an ni:

President : Pu Lalngheta Ralte, Editor, The Lawngtlai Post
Vice President : Pu Elvis Lalthangzuala, Editor, Rauthla
Treasurer : Pu H. Lalrinmawia, Editor, Rameng

Attachment

  • Loading attachment...