719/2026-2027

Kolasib, 26th May, 2026: Vawiin khan Kolasib District chhunga Assembly Constituency thum (3) a Booth Level Officer (BLO) Supervisor, BLO leh Additional BLO te tan kumin 2026-a Special Intensive Revision (SIR) of Electoral Roll kalpui tur atana inbuatsaihna leh inzirtirna (training) pawimawh tak neih a ni.

He hunah hian Kolasib District Election Officer (DEO) leh Bawrhsap ni bawk, Pu H. Dolianbuaia chuan thu sawiin, Electoral Roll siam that leh endik hna hi thil pawimawh tak a nih avangin dik leh uluk taka thawk tur leh, langtlang tak  leh tangrual taka kalpui a ngaih thu a sawi a. Dik lo leh hming chuangbang awm lo, E-Roll thianghlim leh rintlak kan neih theih nan field level-a thawk tu BLO leh an supervisor-te chu a mawhphurtu pawimawh ber an nih thu tarlangin, theihpatawp chhuah turin a chah a ni.

He training-ah hian Kolasib district chhunga Electoral Registration Officer (ERO) zawng zawngte pawh an tel a, BLO te nen hian E-Roll siamthat hna an thawh dan tur leh mipuite finfiahna (verification) an kalpui dan tur te sawiho in hun tangkai tak an hmang a ni.

Training hi Master Trainer Pi Lalvenhimi Ralte leh Dr. Doris Lalrinawmi ten an pe a. Anni hian Electoral Roll endik leh siam that hna thawh dan tur kalhmang te, lehkha pawimawh (documents) thehluh ngai te leh finfiahna kalpui dan tur (verification process) chipchiar takin an zirtir a. Hna thawh awlsam leh tha zawk dan tur te tarlangin, hriat thiam loh zawhna awmte an chhang  nghal bawk a ni.