Vawiin khan DC Conference hall ah Kolasib District Election Officer Dr.Arun T, IAS chuan Kolasib District chhunga Assembly Constituency 3 (pathum) viz 4-Tuirial (ST) A/C, 5-Kolasib (ST) A/C, 6-Serlui (ST) A/C, Draft Photo Electoral Roll, 2018 chu mipuite en theih turin a tlangzarh.

Kolasib District pumpuia vote nei zat chu 56,395 (mipa 27606, hmeichhia 28789) an ni a, Tuirial (ST) A/C ah voter 16,515 (mipa 8183, hmeichhia 8332)an awm a , Kolasib (ST) A/C voter 21,288 (mipa 10233, hmeichhia 11055) awmin  Serlui (ST) A/C ah voter 18,592 (mipa 9190, hmeichhia 9402) an awm a, Service voter 249 (Tuirial (ST) A/C 81, Kolasib (ST) A/C 75, Serlui (ST) A/C 93)an awm a, Constituency pathum atang hian Tripura Transit Camp hrang hranga awm mek Bru 1749 in vote an nei bawk a ni.

Kolasib District ah hian Constituency 3 awmin polling Station 81 a awm a, Polling Station vote tam berna chu 6-Serlui (ST) A/C, part 6 (Vairengte-VI) niin voters 1228 an awm a, vote tlem berna chu 6- Serlui (ST) A/C , Part 9 (Saihapui V) niin voters 181 an awm a ni.

Kolasib District pumah hian kum 2011 chhiarpui ah mihring 83,955 an awm a, tuna roll siam thar ah hian voters 56,395 awmin mihring awmzat atanga vote nei chu 67.17 % an ni a, Roll hmasa atanga voters double entry leh mithi paih (delete) an nih hnu ah voters awmzat hi a tlahniam a, mihring 186 (0.33%) in a tlahniam a ni.

He hunah DEO chuan Party aiawh kalkhawm te hnenah Draft Publication hi a sem nghal a, Hming thunluh, paih, vote neihna insawn etc te chu form hrang hrang heng Form 6,7,8,8(A) te hmangin bialtu BLO te hnenah vawiin July ni 31 atanga August ni 21 thleng hian dilna a thehluh theih a, hemi bakah hian online nvsp.in ah dilna te hi a thehluh theih bawk a ni.