No.3677/2021-2022

Aizawl 15th January 2022 : Vawiin chawhma dar 10 khan DC Conference Hall, Kolasibah Dr.H.Lalthlangliana, District Election Officer chuan ni 1, January 2022 behchhan a Kolasib District Photo Electoral Roll buatsaih a tlangzarh a, E-Roll tlangzarh thar ah hian voter za zelah 2.23-in an pung a ni.

Dr.H.Lalthlangliana, DEO chuan Electoral roll hlawhtling tak a tlangzarh a nih theih nana thawktu hrang hrangte inpekna chungah lawmthu sawiin, Sawrkar siamna kawnga kan chanvo, kan duhthlanna kan hman theuh theihna turin E-roll a kan hming chuan tir chu kan ngai pawimawh theuh tur a ni, a ti.

Electoral Roll tlangzarhna hi Pu. Vanlalchhuanawma Chawngthu, Election Officer-in a kaihruaia, Political Party aiawhte, NGO hruaitute leh Kolasib District Standing Committee member-te he hun ah hian an tel a. ERO, AERO leh Political Party aiawha lo kalte hnenah E-Roll hi hlan nghal niin a duh apiangte tan Softcopy-a en theih a buatsaih a ni bawk a ni.

Ni 1, January 2022 behchhan a Electoral roll buatsaih ah hian Kolasib district chhung a Assembly Constituency pathum awm a voter awm zat belhkhawm chu 62,610 a ni a, hmeichhia 32,249 leh mipa 30,361 an awm a ni. Kolasib (ST) AC ah voter 23,326, Serlui (ST) AC ah voter 20,853 leh Tuirial (ST)  AC ah 18,431 an awm a. Mipa 1000 zel ah hmeichhia 1062 awm anga chhut niin Voter za zel a 31.48 te chu kum 20 leh 29 inkar an ni. E-Roll a hming ziah luh punna hi 1,364 a ni a, a punna hi za zelah 2.23 a ni.