Kolasib District Final Electoral Roll, 2017 chu vawiin khan DC Conference Hall, Kolasib-ah District Election Offi er Pu H.Lalengmawia'n a tlangzarh.

Final Electoral Roll, 2017 tlangzarh takah hian District pum a vote nei zat chu 55,076 an ni a. Tuirial (ST) A/C ah vote nei mi 16,375 awmin, Mipa 8125 leh Hmeichhia 8,250 an ni a. Kolasib (ST) A/C ah voter Mipa 9,985 leh Hmeichhia 10,714 awmin, an vaiin 20,699 an ni a. Serlui (ST) A/C ah Mipa 8,929, Hmeichhia 9,073 awmin, an vaiin 18,002 an ni.

Heng zingah hian Bru voters Tripura Transit Camp hrang hrang a awm mek Constituency pathum (3) atang in 1,708 an awm mek a. Bru, Tripura Transit Camp-a awm ni lo, Mizoram chhung Polling Station hrang hrang a Bru voter awm zat chu 1,038 an ni a. Bru voters zawng zawng Transit Camp a awm mek te leh Mizoram chhunga vote nei belhkhawm chu voter 2,746 an ni.

EPIC Card hi voter zawng zawng ah pek vek an ni a. Kolasib District-ah hian Constituency pathum (3) awm in Polling Station 78 a awm a. Electoral Roll hmasa atanga punna hi mi 1445 (2.69%) a ni. Polling Station vote tam ber na chu 5 – Kolasib Constituency, Part 21 (Tumpui) ni in, voters 1317 an awm a, a tlem ber na chu 6 – Serlui Constituency, Part 9 (Saihapui V) ni in, voters 175 an awm a ni.

Kolasib District pumah hian kum 2011 chhiarpui ah mihring 83,955 awmin, mihring cheng zat atanga chhutin 65.60% in vote an nei a ni.

Service voters hi Tuirial (ST) A/C ah 239, Kolasib (ST) A/C ah 198 leh Serlui (ST) A/C ah 361 awmin, a vaiin District chhungah Service Voters 798 an awm mek a ni.

Attachment

  • Loading attachment...