Kolasib District chhunga Sorkar Department hrang hrang a hnathawkte inkara thawhhona tha a awm theih nana buatsaih ni li chhung awh tur Kolasib District Inter - Office Sports Meet 2016 chu vawiin khan Hmar Veng Hall,Kolasib-ah District Bawrhsap Pu H.Lalengmawia, IAS in a hawng.

Hawnna inkhawmah District Bawrhsap chuan Inter - Office Sports Meet chu Department hrang hrang a hnathawkte inunauna leh thawhhona tha a awm theih nana buatsaih anih angin, rilru thianghlim leh inhawng taka hun hmang turin kalkhawmte a chah a. Sorkar hnathawkte mipui tana rawngbawltu kan nih angin sports meet hian chu rawngbawlna kan thawh naah rah tha chhuah ngei se a duh thu a sawi.

Inter - Office Sports Meet ah hian kolasib district chhunga sorkar deparment hrang hrang te group li ah then in inelna hrang hrang neih a ni ang a. Vawiin 15th November atangin 18th November thleng neih a ni ang.