No.1173/2021-2022

Kolasib dated 29th June 2021: Vawiin chawhnu khan I&PR Conference Hall, Kolasibah Press Accreditation Card hlanna hun hman a ni a, Dr.Hmingthanzuala, DIPRO chuan he hun hi kaihruaiin MJA Kolasib district hruaitute an tel a ni.

Hun kaihruaitu Dr.Hmingthanzuala, District Information & Public Relations Officer, Kolasib chuan thuthar lak khawm leh mipuite hnena thehdarh hna chu hna zahawm, thiamna leh inpekna thuk tak ngai a nih thu sawiin sawrkarin rintlaka a ngaih Press Accredited Journalist 13 lai mai Kolasib district-ah dawng thei an awm chu lawmawm a tih thu a sawi. Hrileng dona kawng a mipui hnen a zirtirna pek chu hri dona kawnga hmanraw pawimawh tak a nih thu sawiin DIPRO chuan MJA, Kolasib district member-te chu hemi kawnga hma la chhunzawm zel turin a chah a, Press Accredited Journalist an nih ang ngeiin an hnaah rintlakna leh zahawmna vawng nung zel turin kalkhawmte a fuih bawk a ni.


Pu R.Lalhmingthanga, President, MJA Kolasib district pawhin thu sawiin Information & Public Relations Department kaltlanga Mizoram sawrkarin thutharlakhawmtute hmakhua a ngaihtuah thin chu lawmawm a tih thu a sawi a Pu S.Lalhmachhuana, Prominent Press Representative pawhin MJA member-te tan la thar tur a fuhina hun a hmang bawk a ni.


Kolasib district-ah hian nitin chanchinbu chhuak 10 leh kartin chhuak 1 a awm a, heng zingah hian Kawnpuiah 1, Bilkhawthlirah 1 leh Vairengteah 2 an awm a ni.


Attachment

  • Loading attachment...