November ni 12 leh November ni 14, 2015 inkar khian Kolasib District-a khaw pathum - Saipum, Saiphai leh N. Hlimen ah te hian Sawrkar Laipui ruahmanna, scheme leh programme hrang hrang mipui te hnenah puanzarna leh hrilhhriatna ‘Jan Soochna Abhiyan’ Public Information Campaign (PIC) chu Ministry of Information & Broadcasting hnuaia awm Press Information Bureau leh Mizoram Journalists’ Association (MJA) Kolasib District te tangkawp chuan an buatsaih dawn.

PIC hawnna ni November ni 12 hian Saipum ah neih a ni dawn a, Parliamentary Secretary leh Serlui bialtu Pu K. Lalrinthanga chu he programme hi hawng tura beisei a ni.

PIC ah hian hmasawnna scheme leh programme kalpui mek Pradhan Mantri Jan Dhan Yojana(PMJDY), Saansad Adarsh Gram Yojana (SAGY), Swacch Bharat Abhiyaan/Clean India Campaign, Digital India, Make in India leh adang te bakah tunhnaia programme duan thar Beti Bachao - Beti Padhao Abhiyaan, Padhe Bharat Badhe Bharat, Better Health Care leh a dangte chu chipchhiar taka mipui zirtir leh hrilhhriat tum a ni a. PIC ah hian Saipum hi Main Venue a ni dawn a, Saiphai leh N. Hlimen te chu Satellite Venue an ni dawn a ni.