Pu R. Zarzosanga IAS, District Magistrate, Kolasib District chuan Section 144 Cr.P.C 1973 in thuneihna a pek angin hetiang hian thupek a chhuah.

“Mamit District a buhfai leh nitin mamawh chu Suarhliap lama Tlawng lui kan in thiar a ngaih avangin Police Check Post Bairabi atanga Tlawng lui leilawn inkar kawng siam that a tul a. Ni 21st - 24th September, 2017 chhung hian hna a lo chak zawk nan leh a khaih lak loh nan lirthei eng chi mah he lai kawng hi zawh phal a ni lo”.

Thupek hian a chhuah ni 20th September, 2017 atanga tni 4 (ni li) chhung a huam ang a. He thupek zawm lo a bawhchhetute chu Section 188 IPC hmangin hrem an ni ang.