Aizawl khawpui chhunga mipui vantlang him tlan zawk nan leh lirthei tawt lutuk tih ziaawm nan Aizawl khawpui (AMC area) chhunga Coordination Committee on Traffic Management Meeting chu September Ni 5, 2017 khan neih a ni a. Meeting chuan enchhin nan October 2017 chhunga lirthei intlanchhawk/tlanchhuah dan tur a rel chu a hnuaia tarlan ang hi a ni.

Intlanchuawk dan tur leh a huam chin tur:

  1. Intlanchhawk hian mimal motor leh Sawrkar motor two-wheeler tiamin (exempted bik tiam lovin) a huam ang.
  2. Lirthei registration number a digit tawp ber ang zel Ni ah lirthei tlanchhuah khap a ni. Entirnan-  4 a tawp chu Ni 4,14,24 ah an tlanchhuak thei lovang; 5 a tawp chu Ni 5,15,25 ah an tlanchhuak thei lovang. Hemi avang hian mimal leh Sawrkar motor hi thla khatah vawi 3 emaw vawi 4 vel an tlanchhuak thei dawnlo a ni.
  3. Tlanchhuah phalloh hun hi zing dar 8:30 atanga tlai dar 6:00 inkar a ni ang.
  4. Mizoram District dang leh State pawna register, Private Motor Aizawl khawpui chhunga awm leh tlanlut tur reng reng pawh intlanchhawk hian a huam ang.
  5. Tlanchhuah phalloh Ni hian Sunday chauh a huam lovang.

A huam loh tur te:

  1. Governor, Chief Minister leh Speaker-te (an carcade tiamin) a huam lovang.
  2. Public service vehicle (passenger phur chin lirthei). Entirnan- City Bus/Bus, Maxi Cab/Sumo (State dang registered huamin), Auto Rickshaw, Institution Bus, Department Bus, Two wheeler Taxi.
  3. Taxi hi tuna intlanchhawk dan pangngai hian an tlan chhunzawm zel ang.
  4. Police Department motor duty, Fire (F&ES) motor, Excise & Narcotics motor duty, Hospital duty leh ambulance/Morgue van, Executive Magistrate law and order duty leh emergency duty, Media mite (Sticker tar chauh), PHE emergency duty leh PHE tuisem, P&E emergency duty, Bawnghnute sem, Chanchinbu sem, AMC hnuaia bawlhhlawhpaih motor duty, Army leh Para- Military Force, Government Department/Office Despatch Rider-te.
  5. Lirthei 407 (truck) leh a chunglam National Highway 54 Bawngkawn leh Zemabawk inkar a tlan dan tur Traffic Police ten an ruahman tawh anga tlan tlang turte a huamlo bawk ang.

Thupek zawmlo te chu MV Act, Section 179 hmanga hrem an ni ang.

Intlanchhawk enchinna hi a that dan a zirin chhunzawm emaw tihdanglam a ni ang a. Motor intlanchhawk that zawkna tur atana rawtna nei chuan October Ni 25, 2017 hmain Aizawl Traffic SP hnenah thehluh theih a ni.