Thawhlehni September ni 20, 2017 khan Sainik School Chhingchhip chuan Local Board of Administration (LBA) meeting hmasa ber LBA Chairman Maj Gen Upendra Dwivedi IG AR (E)  hovin an nei a. Meeting ah hian Pu CL Ruala MP (LS) pawh a tel a ni.

Local Board of Administration meeting-ah hian Sainik School Principal Lt. Col IJ Singh chuan  School din tirh anih atanga hmasawnna te leh hnathawh kal mek te a tarlang a. Sainik School Registrar  Maj V Sangwan chuan hmalakna chi hrang hrang leh school-in hmachhawp a neihte a sawi a. Meeting hian kum 2017-18 school budget turte, school-a project kalpui mekte , Mizoram sawrkar leh Ministry of Defence te nen thawkhova project kalpui turte  leh cadet-te hmasawn zelna tura hmalak dan tur sawiho a ni bawk a ni.

Meeting-ah hian Director School Education Mizoram , Finance Secretary ,Home Department member te an tel a ni.

August ni 16, 2017 khan LBA Chairman chuan Sainik School a tlawh a , project kalpui mekte enfiahin staff leh cadet-te nena inkawmhona hun a lo hmang tawh bawk  a ni.