Vawiin Khan District Level Children Science Congress 2017 chu I&PR Conference Hall ah neih a ni a, Pi R. Lalnunthari DPC/DEO, RMSA Mamit District, DLCSC Chairman ni bawk   chuan  a hmanpui.

Pi R. Lalnunthari chuan Naupangte Science zirna kawngah kan subject zirlai piahlamah mahni thiamna leh finna hmasawnna kawng zawhna tura tan hetiang inelna buatsaih a ni hi a lawmawm hle a, Naupangte pawh in hlawktak leh hmasawn tumna tak tak nei chunga he hun hi hmang turin a chah bawk.

Children Science Congress  hi STAM nen tangkawp a buatsaih thin a ni a, kumtin neih thin niin, District tinah District  Level Children Science Congress hi neih phawt thin a ni a, District tina a titha ber pakhatna in State Level intihsiakna ah District ai an awh thin. He Science Congress hi Junior level leh Senior level ah te then niin,  thupui atan ' Science,Technology and Innovation : for sustainable Development '' tih hmang in inelna hi neih a ni.

Vawiin  intihsiakna ah hian Mamit District chhung atangin School pariat an tel thei a, Senior Level ah, School paruk telin, Mamit High School-II chu pakhatna niin, pahnih na New Diamond School,Mamit leh Pathumna Presbyterian English School Mamit te an ni a, Junior Level ah hian School pahnih atangin intihsiakna neih a ni a, Mamit middle School -II te pakhatna niin Mamit Middle School -III te pahnih na an ni bawk.Vawiin District Level Children Science Congress 2017 intihsiakna endiktute hi Dr. Zothankhuma Chhakchhuak,CMO, Mamit leh Pu Zonunsanga, SDPO, Mamit te an ni.