Nation-Wide Sanitation Campaign on “Swachhata Hi Seva” (Cleanliness is Service) chu duan lawk angin India ram pumah hman mek zel a ni. Mizoramah chuan September ni 15, 2017 a Governor Lt.Gen. Nirbhaya Sharma in hawn hnu ah district tinah ngawrh takin kalpui mek a ni a. He faina beihpui hi Minsitry of Drinking Water & Sanitation huaihawtin Swachh Bharat Mission (Gramin) programme hnuaiah hman niin, a tum ber chu tlawmngaih chhuaha mipui vantlangin faina lama hma nasa zawka an Iakna tur a ni a, Ni 2. Oct, 2017 hi India hnampa Pu Gandhi-a piancham leh Swachh Bharat Mission Campaign kum thumna a nih angin he hun hi fai taka India mipuiin kan hman theih nana ruahman a ni bawk.

Aizawl District-ah pawh Swachh Bharat Mission (Gramin), Aizawl District leh PHE Department buatsaihin District, Block leh Vlllage-ah to activities hrang hrang hmanga programme hman mek a ni. Thingtlang khawtinah faina hnatlang neih a ni a, vengchhung mi hming tha leh entawn tlak te campaign naa tangkai taka hman an nih bakah hmun lun lai leh pawimawh lai te tihfai hnatlang neih a ni bawk. Aizawl District hi ‘Open Defecation Free’ (ODF) a puan a nih tawh angin, ODF kan nih chhunzawm reng theihnan a inhrilhhriatnate uar taka neih a ni.

He Swachhata Hi Seva campaign hman chhung hian Aizawl District-a Block tin atanga khawfai pathum theuh thlan chhuah tura ruahman a ni a, chung khua te chu lawmman tha tak pek tum a ni bawk. He campaign hi Ni 2.0ct, 2017 ah khar tur niin, District tinah function pui tham tak neih tura ruahman a ni a. He programme-ah hian khaw fai lawmman bakah a hma deuha lo buatsaih tawh intihsiakna hrang hrang - Essay writing, Short Film leh Painting Competition result te puan leh lawmman semna te neih nghal tura ruahman a ni bawk.

Attachment

  • Loading attachment...