Vawiin khan SP Conference Hall, Lunglei-ah Case Investigating Officer, District Special Branch (DSB) staff, Traffic branch leh Constable tlanchhuah te tan Court kalphung leh Dan pawimawh zirhona hun ‘Workshop on Prosecution’ neih a ni.

He ni thum awh tur workshop-ah hian Lunglei SP Pu Lalthafamkima Jongte, MPS chu Course Director niin Dy. SP(Hqrs) Pu J. Rokima, MPS chu Course Coordinator a ni a. Narcotic Drugs and Psychotropic Substances (ND&PS) Act leh POCSO Act chungchang te zirho a nih bakah Pi C. Vanlamuani, Assistant Public Prosecutor leh Pu ZD Lalpianmawia, Public Prosecutor ten thupui thlanbik hmangin kalkhawmte an zirtir a. Record felfai taka vawn dan leh Court lama hnathawk te nen thawhhona tha tak an neih theih dan tur te sawiho a ni.