Vawiin khan Kolasib District DMCAE chu an thukhawm a, EO Pu Vanlalchhuanawma Chawngthu chuan kalkhawm chhan sawiin thutkhawma rel tur/ thlirlet tur thupui te chhawpchhuah a ni a, MP inthlan 2019 a Accessible Election chungchang chu thlirletna neih a ni.

He hunah hian Kolasib District chhunga polling Station awm na te khaw hrang hrang panna kawng chungchang sawiho a ni a,inthlan neih zawh tak chu thal lai a nih avangin khaw hrang hrang pan na ah harsatna a awm lemloa, amaherawh chu fur laia inthlan buatsaih a nih dawn chuan heng Rastali (zodin), South Chhimluang leh North Thinglian te chu pan hleitheihloh tur an nih thu tarlan a ni.

Polling Station pan harsa zual bik chungchang sawiho bawk a ni a, PwD Voters tan bakah kum Upa lam tawh voter te tana pan hreawm leh huhphurawm motor luh lohna leh wheel chair nawr harsatna lai te pawh a awm tih tarlan ani a, heng polling Station hi hmun remchang zawka sawn theih nise tih tarlan a ni.

Vote thlak ni a kum Upa te leh Vohbikte vote thlak dan chungchang sawi ani a, vote thlak tir nan Polling Officials te motor hman a nih bakah Bus route te ruahman ani a, hemi bakah hian taxi leh Private motor te pawh a remchan dan anga hman ani a, Mizoram Peoples Forum leh BLO te tangkawpin heng voters te hi hruai an ni a, kum Upa vote thlak tur te pawh remchang ang zela buaipui an ni a, harsatna lian tham sawi tur a awmlo tih tarlan ani.

Thutkhawm ah DMCAE member te an kalkhawm a ni.