Kumin Inthlanpui lo awm tur a tana inpuahchahna kal zel ah Kolasib District huam chhunga Assembly Constituency Pathum a Vote thlak ni a duty tur Polling Party te chuan vawiin khan Vote thlak na tur bungraw kimchang nen District Election Office kawt atangin an duty na tur hmun an pan.

KOlasib District ah hian Assembly Constituency pathum, heng 4-Tuirial A/C, 5-Kolasib A/C leh 6 Serlui A/C (ST Constituency vek) an awm a, Tuirial a Polling Station 24 ah Polling Party Member 120 (reserve Official tel in) an awm a, Kolasib a Polling Station 27 ah Polling Party Member 124 (reserve Official tel in) leh Serlui a Polling Station 30 ah Polling Party Member 148 (reserve Official tel in) te awm in,  Kolasib District huam chhunga Polling Station 81 ah Polling Party Official 392 (reserve Official tel in) an awm a ni.

Polling party Officials te hian Vote thlak ni a an mamawh tur bungrua chi hrang hrang EVM,VVPAT, Voting Compartment Daidanna tur lehkha khawng, Brite plastic Bucket bakah Stationery thil chi hrang hrang an keng a. Polling Party te thlah liamna hun hi Kolasib District General Observer Pu Manoj Kumar Pingua, IAS leh Kolasib DEO Dr.Arun T, IAS te chuan an vil a, an mamawh te pe chhuak tur hian A/C pathum tan hian Team hrang hrang an duty bawk a ni.