Tukin zing dar 6:00am atang khan Siaha District a MLA Constituency pahnih, 39-Saiha(ST) leh 40-Palak(ST) a duty tur polling party te chuan an duty na hmun tur pan in an chhuak fel ta. Siaha District-ah hian avaiin Polling Station 79 awmin, 39-Saiha AC hnuaiah 36 leh 40-Palak AC hnuaiah 43 a awm a ni. Niminah khan Palak Constituency hnuaia Polling Station a hla zual 25 a duty tur te chu an lo chhuak tawh a. Tukin zingah khan 39-Saiha AC hnuaia Polling Station 36 leh 40-Palak AC hnuaia  PS 18, a vaiin PS 54 ten an duty na hmun tur panin an kal chhuak.

Nimin a chhuak Polling Party 25 pawhin an duty na hmun tur tluang takin  an thlen vek tawh thu report dawn a ni. Siaha town chhunga PS 25 a duty tur polling party te pawhin 12:00 noon hmain arrival report an lo pe hman vek a ni.

SVEEP te hmalakna in Siaha town chhung bika PS ah te hian vote thlak hmasa 5 te hnenah pangpar Polling official ten an lo present zel dawn a ni.

Polling Station 11-ah Person with Disability te tan Wheel Chair 11 pek chhuah a ni bawk.

40-Palak AC hi Sector 8 ah thenin, 39-Saiha AC hi sector 6 a then a ni thung a. Movement plan hi sector wise a duan vek a ni a. Polling Party te hi Sector officer te vilna hnuaiah a ruala chhuakin,  receiving countera arrival pawh  sector wise in a ni dawn a ni.