2476/2025-2026
Dated Kolasib the 17th September 2025: Vawiin khan District Programme Office (Women & Child Development) Kolasib chuan Rashtriya Poshan Maah (National Nutrition Month) 2025 chu District headquarters-ah hun tawite hmangin hawnna hun an hmang a. He programme hi Pu C Vanlalzapa, District Program Officer (in-charge) chuan, naupang, hmeichhia leh khawtlang pum huapa ei leh in hrisel inzirtirna hun atana hman anih tur thu a sawi.
DPO (i/c) chuan Anganwadi Workers, health staff, tualchhung institution, leh khawtlang mipuite thawhhona tha tak neih a tul thu a sawi a, chu chuan chaw tha hriat na- nutrition awareness chu chhungkaw tin hnena a thlen theih nan a pui a ni a ti. Kumin Poshan Maah thupui pawimawh leh hmalakna tur ruahmante a tarlang bawk a, chung zingah chuan awareness campaign, nutrition drive, growth monitoring, Suposhit Melas, leh community based events a tel a ni.
Vawiina he hun hawnna ah hian thutiam rualna-Oath taking neih ani a. Kalkhawm ten, Naupang ṭhanlenna leh zirtirna kawngah hmahruaitu nih a, theihtawpa hriselna ei leh in pawimawhna leh thatnate , chhungte leh ṭhiante hnenah uar taka sawi tur in an intiam a. Taksa tana hrisello ei lo tur leh lei lo turin an intiam bawk.
