No.1166/2020-2020

Vawiin khan Kolasib District Scouts and Guides ten Deputy Commissioner, Kolasib District hnenah a tul anga hripui dona a hman turin Mask 400 chuang an hlan.

Deputy Commissioner Office Chamber a hun tawi hman na ah hian Pu Lalrambuatsaiha DEO, Kolasib & District Scouts and Guides Chief Commissioner nibawk chuan kaihruaiin, District Bawrhsap Dr. H. Lalthlangliana chuan Mask mamawhna a nasat thu leh State pawn lama tangkhang lo haw tur mi 9000 dawn an la awm thu te, an paltlang District kan nih avangin helama thawktute leh lo haw turte tana Masks hi mamawhna ala san thu sawiin, Scouts and Guides ten National Headquarters kaltlanga hetianga a nachang an hria chu lawmawm a tih thu a sawi.

Mask hlanna neih hnu hian DEO Office Chamber ah thufual nghalin, Mask thui hnatlang hi May ni 23, 2020 (Inrinni) dar 10:00 ah Maj. Carolyne Zonunmawii Pachuau (Retd), Vice President te Inah neih chhunzawm leh nise an ti bawk.