Vawiin khan Kolasib District Bharat Scouts and Guides buatsaihin St.Maria Goresttis School Auditorium ah Tritiya sopan testing camp hawnna neih ani.

Pi Laldawngliani, District Vice President kaihhruai ah hian Pi PC Zonuntluangi MCS, DUDO Kolasib chuan khuallian niin hun ahmanpui a.

Solid Waste management chungchang awareness campaign SIPMIU atangin Pu Lalhmuaka, A.E in a nei a, Scouts & Guides member te hnenah hian UD&PA chuan bawlhhlawh tawih thei leh tawih theilo paih leh sawngbawl chungchangah zirtirna an pe bawk a ni.

District level a Training Tritiya Sopan Testing camp ah hian Scouts and Guides te chuan khuarel chhiatna thlen thula tanpui ngaite tanpui dan tur kawng hrang hrangin an zir anga, heng an zir chunghangah te hian exam an hmachhawn nghal dawn  ani. Camp hawnna ah hian Kolasib District chhunga Scouts and Guides 100 chuang an tel a, District Scouts and Guides Association hruaitu thahnem tak an tel bawk ani.

Training Camp hi August ni 31,2018 thleng neih ani  dawn a, Sports and Youth Services Department, Scouts and Guides Wing atangin Pi Lalnunsiami Pachuau State Organiser leh Tv.Lalthlanthlanga Organiser ten an hmanpui dawn ani.