Zan khat riaka nimina Aizawl lo thleng, Union Minister of State for Health & Family Welfare Pi Anupriya Patel hovin vawiin khan Aijal Club-ah Health Secretary Pu Lalrinlaina Fanai leh Health Department hotu dangte nen Mizorama Central Health Scheme leh DoNER hnuaia Health Scheme hrang hrang hmalakna kalpui mekte an thlirho.

Union Minister of State for Health & Family Welfare Pi Anupriya Patel hova ‘Review Meeting on National Health Mission Activities & Projects under DoNER’ an neihah hian Immunisation Programme kalpui dan te, Communicable Disease Control, National Leprosy Eradication Programme, Revised National TB Control Programme, NPCDCS, National Programme for Prevention & Control of Deafness, National Programme for Palliative Care, National Programme for Health Care for Elderly, Blood Services & Disorders, National Programme for Blindness & Visual Impairment, National Tobacco Control Programme, Iodine Deficiency Disease Control,  National Oral Health Progamme, Free Drugs Service Initiative, National Urban Health Mission, Prime Minister’s National Dialysis Programme, Integrated Disease Surveillance Project, PC&PNDT Act te leh Family Planning hnuaia hmalakna leh hlawhtlin tawhna te tarlan a ni a. Union MoS Pi Anupriya Patel chuan Mizoramah hriselna kawnga hmalaknaah Health Department hotute leh hnathawkte an fakawm a tih thu a sawi a, amaherawhchu a bik takin hmeichhe tleirawlte tana Menstrual Hygiene Programme te, Drugs Control leh Family Planning lamah tanlak lehzual ngaia a hriat thu a sawi bawk.