No.5515/2020-2021

Kolasib 28th September 2020: Vawiin chawhma khan Fostering Climate Resilient Upland Farming Systems in the NorthEast (FOCUS), Kolasib district bultumin FOCUS Cell, DVO Office-ah Kolasib District Village Council tin a Community Animal Health Worker (CAHW) te tan ran vulh dan leh ran damlo enkawl dan hrang hrangah training an nei a, Dr Engkunga Chhangte, DVO in training hawnna hi a hmanpui.

Training hi ni 5 awh tur niin vawiin atanga October ni 2, 2020 thleng neih tur a ni a. FOCUS, Kolasib district hnuaia Animal Husbandry Manager, Technical Officer, Staff At Circle (SAC) te bakah AH&Vety, Kolasib hnuaia Veterinary Officer-ten zirtirna hi an pe dawn a, practical-a inzirtirnate nen training hi neih tur a ni bawk.

C.A.H.W traning-naah hian ran natna tlanglawn zirchianna leh a enkawl dan te, natna hrang hrang lak a ran an him theihna tur a Vaccine pek dan leh pek hun te, natna inkaichhawn dan leh inkaichhawnna ven theih dan te bakah a chaw pek dan chunchangah zirtirna pek an ni ang a. Ran enkawlna hmanrua Poultry Vaccinator, Vaccine Carrier, Bull-nose holder, Haemo-Artery Forcep, Thermometer, Gumboot leh hmanraw dangte pawh sem a ni dawn bawk a ni.