Kolasib khawchhunga ran khuahkhirhna thupek chhuah leh bawhzui dan tur ngaihtuahin vawiin khan DC Conference Hall-ah District Bawrhsap Pu H. Lalengmawia hovin Official te, Village Council Member te leh tlawmngai pawl te an thukhawm.

Vawiin meeting-ah hian ran khuahkhirh thupek chhuah te bawhzui that a tul thu sawiin, thupek zawmlo te chungah khauh taka hmalak ni se tih a ni a. Khawlaia ui chhuah tute pawisa chawitir a chhinchhiah ni se an ti a. Ui leh ran vulh te midang tana hnawksaklo leh tha zawka enkawl dan tur inzirtirna kalpui dan tur te meeting-ah hian sawiho a ni a.

Ran khuahkhirh thupek bawhzuina atan hian Magistrate bial siam niin, an ni hian hma an la zui ang. Thupek chhuah te kenkawh kawngah Village Council te abikin executive body an nih anga tawiawm tha turin meeting-ah hian ngen an ni bawk.