Vawin 24 May 2019 hian Pu K Lalrinliana LAD Minister, Pu Robert Romawia Royte Sport Minister leh Er H Lalzirliana Mamit bialtu MLA te  chuan Kolasib khawpui a, infiam na tih  hmasawn dan tur en in  Kolasib Stadium sak lai mek a hmun ah kal in  an en fiah a. Kolasib District  Football Association ngen na ang in he football ground, a dung lam tawi lutuk chu a goal post pahnih suan chhuak a, Metre nga ah tisei tur in Department  hruaitu te an hrilh nghal.

He Stadium a, Athletic track leh Football field inkar a thir a, a hung na pawh in intlansiak na track a tihbuai avang in mhiah nise an ti. He Stadium Contractor leh Sub Contractor te inkar a buai na leh Court Case hial awm chu chinfel pui thuai tur in Kolosib DC an hriattir nghal bawk ani.

Minister te hian Saidan hmun a, SAI Centre din thar dan tur a hmun ah kalin an en fiah bawk a. He hmun a Kolasib khawpui chhung a Sport Discipline hrang hrang kal khawm te hma ah thu sawi in, Sport Minister Pu Roytea chuan “ Sport Authority of India (SAI) leh Mizoram sawrkar mangkawp in Saidan hmun a SAI Centre din tum anih thu sawiin Sport thiam bik naupang za Central Sawrkar sum a, Sport Discipline thlan bik te Hostela chawm  in zirtir an ni anga. Coach thiam ten awm chilh in an en kawl ang. Sport Minister chuan SAI Centre hnuai a “Football Academy ah hian phul lem phah ani dawn a, sunction pawh SAI lam hian an nei sa thlap tawh ani” a ti.

He meeting a tel ve khawtlang hruaitu te leh Sport Association hruaitu te chuan Kolasib a SAI Centre thar awm tur chu an lawm tak zet tih an sawi a, SAI Centre thar a awm dawn avang in infiamna ah hmasawn na tam tak a thlen an beisei thu sawiin Sawrkar chung ah lawmthu an sawi. LAD Minister leh Kolasib bialtu MLA ni bawk Pu K Lalrinliana pawh in “ Sport Minister Pu Robert Romawia Royte hmalak na in Mizoram ah infiamna lam ah hmasawn na a thleng chho mek a, Kolasib khawpui a SAI Centre dinthar ani tur chu lawmawm a tih thu a sawi. Tourism Minister leh LAD Minister te hian Kolasib tourist lodge pawh an tlawh a, Tui a far nasat avang a Room panga lai rauh san tak te leh siam mhat ngai lai dang te an en fiah bawk. Tourism Minister Pu Romawia Royte chuan Tourist Lodge building chu mithiam te endik tir a a mul ang a hmalak anih tur thu a sawi.

Vawin vek hian Sport Minister Pu Robert Romawia Royte leh Mamit bialtu MLA Er H Lalzirliana  te chuan Mamit khawpui an tlawh a, Mamit G&SA Ground siam mhat dan tur te, Mamit Multi Purpose Hall leh Mamit DFA Football Ground Luangpawl hmun a siam dan tur te an en bawk.

Minister pahnih te hi DC te leh Department Official ten an mawi awm ani.