Kolasib DC Pi Niharika Rai, IAS chuan Kolasib –a ni 6 leh zan 6 chhung zet Power Supply a awm loh avanga khaw mipuiten harsatna an tawk chung pawha dawhthei taka tun hun an thlen avanga a lawmthu a sawi a. Kan nitin khawsaknaah Power mamawhna a san em avangin renchem taka hman tum turin mipuite a chah a. P & E Department in tihtur leh tih loh tur Guideline an siam reng reng a thara zawm tum theuh turin mipuite a chah a ni.

Kolasib –ah hian tukin zing dar 1:00 atangin Power a awm tan a. Inrinni kalta June 23 zing dar 10 atang khan Kolasib chawmtu 33 KV sub station chu siam that hna thawh tan a ni a. A that mai theih loh avangin 3.5 MVA Transformer chu Luangmual atangin lakthlak a ni ta a ni.