Vawiin khan kolasib nula chhuanawm tak Nl. Lalremsiami, Indian National Hockey Player chu kolasib mipui ten an lo hmuak.

Lalremsiami hi thingdawl farm ah mipui thahnem tak in lirthei chi hrang hrang nen an lo hmuak a, kolasib hmar veng thleng kalpui niin Diakkawn Square atangin Stage thleng zawn a ni.

Lalremsiami hian kum 2011 ah Thenzawl hockey academy phur taka a pan thu a tarlang a, hockey camp a a luh tirin ei leh in bakah tawng ah harsatna neuh neuh a tawh thin thu sawiin tum ruhna nen Pathian hmachhuan in harsatna tamtak a paltlang thu a sawi bawk a ni. Hriselna tha petu Pathian hnenah lawmthu a sawi thu a tarlang a, Mizo te hi International level ah pawh theihna tamtak kan nei ani tiin amah ngei pawh an team ah pumrua te ber mahse midang theih ang hi mizo te hian kan thei ve ani tih a sawi a, Pathian hi dah hmasa ber ila tumruhna leh thil thalo laka insumtheihna in zui se, kan chan tur hi chu Pathian hian min pe em em ang a ti a, ropui taka lo hmuak tu leh a hlawhtlinna lawmpui tu te chungah lawmthu a sawi bawk a ni. 

Lalremsiami hi tun hnaiah Jakarta a Asian Games leh Youth Olympics Argentina a khelh ah India tan Silver Medal la in, India tan a thawhhlawk hle a, Player pawimawh tak ani nghe nghe a ni. 

He hunah hian Lalremsiami hnenah thilpek chi hrang hrang hlan a ni a, NGO hrang hrang hruaitute'n  thusawina hun an hmang bawk a ni