Kan hriat angin kan hmal awk ah hian Mizoram chuan kumin 2018 hian Assembly inthlanpui kan hmachhawn dawn a. Hemi atan hian India rama Inthlan chungchang thuneitu sang Election Commission Of India chuan hriattirna chhuah in Mizoram a Vote thlak hun atan Dt.28.11.201 a ruat ani.
Inthlanna thianghlim leh felfai neih hi Democracy bulthut pawimawh tak ani tih kan hre theuh awm e. Inthlanna te, tuemaw vote lo thei lova intihthaih leh invau beh, sum a vote in lei, tuemaw vote theih na tur a tlawn a tlawna thil in pek, tu emaw vote tur a zu a in tlawn lungawi, pawisa leh thil dang a thlawn a sem leh thil dang engpawh; Vote nei tu in duh thlanna thianghlim a hman na tur dal thei tu a piangte awm lova inthlanna felfai kan neih theih nan Election Commission Of India chuan Model Code Of Conduct a duang chhuak a. A chung a sawi ang thil thianghlim lo leng vel a awm loh nan check Point te siam a lirthei endik turin Magistrate leh Police te pawh thu a pe nghe nghe a ni.
Chuvang chuan lirthei che vel ten a chunga a sawi ang khian in thlan na thianghlim leh felfai ti buai thei an phur em tih endik hna chu Lunglei District chhunga Magistrate leh Police te pawhin an thawk mek a. Heng lirthei endik hna thawh mek te hi inthlanna thianghlim leh felfai kan neih theih nan a tih ani tih mipui ten hre thiam, Magistrate leh Police te hnathawh hi dawh thei taka lo dawng sawng tur kan in ngen a ni.
Tin, inthlan vuakvel ah silai hmanga in tihthaih leh invau a awm loh nan Lunglei District chhunga Silai nei zawng zawng ten an Silai te Police Station/ Police Outpost hnai ber a tung turin District Magistrate, Lunglei chuan thupek a chhuah a. He thu pek hi Silai nei zawng zawng ten zawm a, an Silai te chu Police Station/Police Outpost hnai ber ah October thla chhung ngei hian tung ngei turin kan in ngenin kan in hriattir tak meuh a ni. Thupek zawm duhlo, dan hmanga in hrem ngai kan awm loh nan District Magistrate thupek hi zawm theuh tur in Silai nei tu te kan in hriattir a ni. Silai dah thatna tur pawh a bik takin Police Station/Outpost tin ah ruahman fel vek ani bawk.
