3612/2023-2024

2024 Ramtuk thla ni 1: January ni 30, 2024 khan Kolasib District Senior Superintendent of Police Pu Lalrinawma Traite chuan Mizoram State sawrkar Notification No. B. 12021/18/94-TRP dt. 25.09.2007 leh Section 115 of Motor Vehicle Act 1988 (Act No. 59 of 1988) tlawh chhanin lirthei chet vel dan turah a hnuaia mi ang hian thupek a chhuah.

"MPRO complex Hmarveng panna kawng chho, Pu Sangthanga building leh Pu K. Lalrinliana building inkar kawng hi a tet em avang leh a bul hnaia chengte tan a him tawk loh avangin he lai hmunah hian 407 Truck leh a aia lian motor eng chi mah kal phal a ni lo. (No entry for 407 and above vehicles). He thupek hi mipuite zawm ṭheuh turin kan inngenin kan inhriattir a ni.

"He thupek hi dt. 30.01.2024 aṭanga hman ṭan tur a ni ang a. He thupek zawm lo chu 177 MV Act hmanga hrem an ni ang. He thupek hian ṭul bik thila Police, Fire Department, Ambulance leh Magistrate-te chet velna a huam lo ang.

"He thuchhuah chungchanga harsatna tawk emaw, report neite chuan OC Kolasib PS (Ph. No. 9862786385) leh IC Traffic Cell (Ph No. 9862306914)-ah te biak theih reng a ni."