3613/2023-2024

Mamit 1st February, 2024 : Vawiin khan DC Conference Hall, Mamit-ah Pu V.L Remliana, District Bawrhsap kaihruaina-in Mamit khawpui chhunga ran khuahkhirh dan tur chungchang sawiho a thutkhawm a ni.

Pu V.L Remliana, District Bawrhsap chuan ran khuahkhirhna kawnga hmalakna-ah vengtina khawtlang hruaitute chu tan la thar tura fuihin, a bikin Ui chhuak chuan harsatna tamtak a thlen thei a, mi a seh phei chuan thil pawi tak thleng thei a nih avangin, Ui bakah ran chhuak reng rengte khuahkhirhna kawngah theihtawpchhuah leh turin a sawm a ni.

Vawiin thukhawm hian ran chhuak a awm loh nana dan hnuaia hmalakna tur hrang hrang sawiho niin, Ui chhuak reng rengte a manna tur bik dog catcher pole vengtin VC hnenah pek nise tiin a rel a, Ui man sa, a neitu te'n an la khulh hmaa lo thlunna tur vengtinah siam nise, hemi kawngah khawpui chhung VC paruka Village Animal Control Squad te chu hma la tura ruat niin, ui chhuak vai tur hian, vengtina Committee bakah Police te nen thawhchhuah nise tihte rel a ni a. VC te'n ran an man reng rengte hi darkar 24 chhungin an puangzar tur a ni a, Ni 7 chhungin a neitu-in a khul ngei ngei tur a ni bawk.

Meeting-ah hian SDPO, DVO, DLAO, vengtin VCP, President Sub- Hqrs YMA leh MHIP te an tel a ni.