3611/2023-2024

Lawngtlai dated 1st February 2024: Vawiin chawhnu khan DC Conference Hall, Lawngtlaiah Sports Association 16 awmna Lawngtlai District Sports Committee chuan thutkhawmna neiin Pu Cheemala Siva Gopal Reddy, IAS, Deputy Commissioner chuan hun a kaihruai a ni.

Pu Cheemala Siva Gopal Reddy, Deputy Commissioner chuan infiamna (Sports) chu thalaite bak ah kum lam a naupang leh upa deuh te tan pawh a hriselna kawng a hmasawnna thlentu ni tur a taksa insawizawina tha tak a nih thu a sawi a. Sports Association anga hmalakna mumal tak kalpuina hian naupang zawk te leh thalaite thiamna leh theihna haichhuah leh chher hriamna kawngah nasa takin a puih ngei a beisei thu sawiin Lawngtlai district mai bak ah ram tihmingthattu thalai chherchhuaktu tangkai ni ngei turin kalkhawmte a chah a ni.

Vawiin thutkhawmah hian District Sports Committee hnuai a Promotional fund hman dan tur te, College veng a Basketball court thawmthat a ngaih thu te, Table tennis board mamawh a nih thu leh Taekwondo zirna tur chhuat phah mamawh a nih thu te tarlan niin bawhzui dan turte sawi ho a ni bawk.