Vawiin khan Kolasib Town Planning and Development Commitee chu Kolasib khawpui tihchangtlun dan tur ngaihtuahin Committee Chairman, Bialtu MLA, FCS&CA Minister ni bawk Pu K.Lalrinliana hovin DC Conference Hall ah  an thukhawm.

Thutkhawm kaihruaitu Minister Pu K.Lalrinliana chuan Kolasib khawpui tihchangtlun nan tunhma atangin ruahmanna master plan felfai tak siam tawh anih thu  tarlangin chhan hrang hrang avangin ruahmanna siam sa chu kalpui a ni ta loa, chenna in te pawh ruahman angin an awm lova, chuvangin ruahmanna (master plan) siamtha hretin hmalak that leh a tul thu a sawi ani.

Pu K. Lalrinliana chuan khawpui chhungah mihring an pung zel a, in hmun nei lo an tam em em tawh a, in hmun nei lo te ram tha mang lo pe mai nilovin, motor kaltlang theih ngei inhmun pek chu pawimawh a tih thu a tarlang bawk a ni.

Meeting ah hian Kolasib khawpui zauh leh tihchangtlun nana Master plan siam tur hi Sector 20 ah then niin tun dinhmun ah hian sector 1 leh 2 kalpui phawt tura ruahmanna siam a ni a, chung zingah chuan  24x7 chhunga tui thianghlim sem anih theih nana hmalakna kalpui tura ruahmanna siam te, In hmun nei lo te tana in hmun ruahmanna te leh kawngpui thar siam dan tur te, khawpui chhung kawngpui zauh te leh CCTV khawpui hmun pawimawh laia dah te leh traffic Point tihchangtlun te bakah thil dang pawimawh tak tak te an rel a ni.

Meeting ah hian Sawrkar Department hrang hrang hotu te bakah, NGO hruaitu te leh Prominent Person te an tel a ni.