Vawiin hian Serchhip Sports Complex ah Serchhip Officers’ Club bul tumin Inter-Department Sports, 2019 hawnna inkhawm buatsaih a ni a. Serchhip Officer’s Club Patron Pi Sangchhin Chinzah, district bawrhsap ni bawk chuan a hawnna inkhawm hi khuallian niin a tel pui.

A hawnna inkhawmah khuallian chuan, Serchhip Officers’ Club in Serchhip khaw chhunga sawrkar hnathawkten inpawhna tha zawk leh thawh hona tha zawk kan neih theih nana infiamna hun a buatsaih thin chu lawmawm a tih thu a sawi a. Thian thar siamna hun tha, thawk ho zel tura inbuatsaihna hun hlimawm ah chan se a duh thu sawii duhsakna a hlan a ni.

A hawnna inkhawm tawi hi Pu John Zorammawia, Sport Organising Chairman in a kaihruaia, Pu Vanlalhruaia, Secretary in report a pe a. Pu Chuauhnuna, President, SOC in Group tin te Oath taking a neih pui a ni.

Serchhip Officers’ Club te hian inthlanpui kum a nih loh chuan kum tin Inter Department Sports an buatsaih thin a. Sawrkar Office hrang hrangte chu Group ah thenin kuminah pawh Group pariat ah inthenin item chi hrang hrang 11 ah inelna hlimawm an buatsaih leh dawn a ni. Item tam tak phei chu a hmain tlai lamah office banah an lo khel fel tawh hlawm a, naktukah zawh fel tura ruahmanna siam a ni.