Vawiin khan DC Conference Hall Kolasibah Site Allotment Advisory Board Additional Deputy Commissioner Pu Liansangzuala Chhakchhuak kaihhruaina hnuaiah an thukhawm a, House pass, Periodic patta leh land lease dilna lut te chu ngaituah a sawiho a ni.

Vawiin SAAB thutkhawmah hian dilna hi a vaiin 83 ngaihtuah a sawiho a ni a, heng zingah hian endik leh ngai 3 leh dilna tlang lo 2 awmin, dilna 78 te chu SAAB in a pawmpui a ni. House Pass dilna hi Venglaiah 3, Hmar Vengah 15, Diakkawnah 3, Saidanah 1, Gosen Vengah 1, Vengtharah 32, Khuangpuilamah 3, New Builumah 19 leh College Vengah 1 a awm a. Periodic Patta dilna hi Khuangpuilamah 1 leh Bukvanneiah 2 awm bawk in Land Lease dilna 2 a awm a ni.

Settlement Officer Pu Vanlalchhuanawma Chawngthu chuan ram inpek chungchangah khawtlang hruaitute chu ngun tak leh thui tak thlir chunga thuthlukna siam thin turin a chah a, Kolasib chu khawpui thang mek a nih angin inrelbawlna felfai a awm theih nan ramri ziahluh leh chhinchhiahna kawngah khawtlang hruaitute chu thawhhopuiah a sawm a ni.

ASO Pu RC Liandawla chuan ram neitute leh neih tum te chuan ram chungchanga sawrkar dan leh thuchhuak te kan zir a kan hriat a pawimawh thu a sawi a, National Highway lai tak atanga kawng thlang lam 8.72 m leh chhak lam 12.5 m chu reserve a nih thu te, House pass dil nan hmun 111.5 Sq.m leh 1 Bigha inkar a zau a nih tur thu te leh Periodic patta atan Bigha 60 aia zau a dil theih loh thu te a tarlang a ni.

He thutkhawmah hian NGO hrang hrang hruaitute leh V/C hruaitute an tel tha hle a ni.