Kolasib khaw chhung veng hrang hrang 13 zingah kum 2009 -a veng fai berah College veng thlan a ni a. Kumin hi a zawna kum 8 fai ber lawmman an dawnna a ni. Veng fai thlanna ah hian 2 na chu Project veng an ni a, 3 na chu Tumpui an ni.
Faina Hapta denchhena endikna chi hrang hrang sanitation officer in a siamte chu vawiin khan DC Conference Hall ah Pu Dawngliana, DC in a hlan a. Kolasib-ah hian Faina Hapta hi khar lovin kumtluana hman chhoh tum a ni a. Hemi kawngah hian V/C leh YMA te an tangrualin an phur hle a ni.
DC chuan kumina faina kawnga hmalakna chu ropui a tih thu a sawi a. Tan la sauh sauh turin khawtlang hruaitute a chah a ni. Sanitation Officer & DLAO Pu S. Lianhmingthanga pawhin thu sawiin khawtlangin kawng hrang hrangin hmasawnna nei mah ila, faina tello chuan a famkim lo a ni, a ti a. Kumtluana thawk turin department chuan hma a la dawn a ni, a ti.
Sikul fai berah T.S. Luaia Middle School thlan a ni a, Hotel fai berah Chawlhna Hotel, Diakkawn chu thlan a ni. Ramnuam Daily chu faina zirtirna puanzar tha berah thlan a ni bawk a. LAD a IV Grade hnathawk mi 25 hnenah incentive cash award Rs. 150/- theuh he hunah hian hlan a ni bawk.
Kumin hian LAD chuan veng tina V/C leh YMA tangkawp hnenah bawlhhlawh paihna tur siam a pe theuh va, vengtinah hnatlang neih a ni a. Heng bakah hian Sub-Division, Block leh ADC thuthmunah te hnatlang neihna senso tur pawh pawisa pek an ni bawk a ni.
DC chuan kumina faina kawnga hmalakna chu ropui a tih thu a sawi a. Tan la sauh sauh turin khawtlang hruaitute a chah a ni. Sanitation Officer & DLAO Pu S. Lianhmingthanga pawhin thu sawiin khawtlangin kawng hrang hrangin hmasawnna nei mah ila, faina tello chuan a famkim lo a ni, a ti a. Kumtluana thawk turin department chuan hma a la dawn a ni, a ti.
Sikul fai berah T.S. Luaia Middle School thlan a ni a, Hotel fai berah Chawlhna Hotel, Diakkawn chu thlan a ni. Ramnuam Daily chu faina zirtirna puanzar tha berah thlan a ni bawk a. LAD a IV Grade hnathawk mi 25 hnenah incentive cash award Rs. 150/- theuh he hunah hian hlan a ni bawk.
Kumin hian LAD chuan veng tina V/C leh YMA tangkawp hnenah bawlhhlawh paihna tur siam a pe theuh va, vengtinah hnatlang neih a ni a. Heng bakah hian Sub-Division, Block leh ADC thuthmunah te hnatlang neihna senso tur pawh pawisa pek an ni bawk a ni.
