1183/2023-2024

Kolasib dated 19th July 2023: Vawiin chawhma khan DC Conference Hall, Kolasibah Independence Day 2023 lawm dan tur relin Sawrkar office leh tlawmngai pawl hrang hrang hruaituten thutkhawmna an nei a. Pu John LT Sanga, Deputy Commissioner chuan hun a kaihruai a ni.

Pu John LT Sanga chuan Independence Day chu kan ram tan a ni pawimawh tak a nih angin a lawmna hun pawh urhsun tak a ruahman a tul thu a sawi a. Hlawhtling taka a lawmna hun kalpui a nih theih nan Sawrkar hnathawkte, tlawmngai pawl leh khawtlang hruaitute bak ah aurinna hmangin mipui a tam thei ang ber tel tur a sawm an nih tur thu a sawi.

Thutkhawmnaah hian Independence Day 2023 lawmna hun chu Kolasib Sports Stadium, Project vengah chawhma dar 8:00 a neih tan tur a rel a ni a, khuallian atan Minister Pu K.Lalrinliana, Kolasib Assembly Constituency bialtu MLA beisei a ni. Department hrang hrangah mawhphurhnate sem niin Armed, Unarmed leh School Parade Contingent inlan turte chu ni 8, August 2023 zing dar 6:30 atangin enchhinna kalpui tan tur a nih thu sawi a ni. Kolasib district chhung a Kawnpui leh Vairengte Sub-Division-ahte chuan a lawmna hi a hranpa a kalpui a nih tur thu thutkhawmnaah hian tarlan a ni bawk.