4603/2024-2025

Kolasib the 11th March 2025: Vawiin khan Kolasib Bawrhsap kaihhruaina hnuai a committee din, Kolasib District National Highway Monitoring Team te chuan National Highway thawmthat leh Black Topping kalpui mek ; Kolasib to Kawnpui Area, Balaji construction company te hnathawh mek chu a hmun ah an tlawh.

Monitoring team te ina Thingdawl khawchhung Area a Kawngpui siam mek a Complaint an neih te chu a siamtu, Balaji lam hian thuam that nghal an tum thu dawn a ni a. Contractor te hnathawh mek chu a tha thawkhat ni a an hmuh thu leh, an khawl leh hmanraw dang te pawh a lungawi thlak niin an sawi.

Monitoring Team te hian Contractor te chu kawngtha leh tlo siam ngei tur a chahin, an intiamna anga March 2025 chhung a an huam chin chhung te zo tur leh fur hma ngei a zo hman turin an ngen bawk.

Vawiin Monitoring Team te hi Dr.Dorris Lalrinawmi SDO (C) Kawnpui chuan hovin, PWD atangin Pu Thanpuia SDO,PWD Kawnpui in a tel pui a.  Monitoring Team a tang hian, NGO aiawhin, Pu C.Liankunga Vice President. Sub-Hqrs.YMA, Kolasib leh Pu Samuel Lalfela, Fin.Secy bak ah, Pu F.Lalbiakliana, Gen.Secretary JAC leh Pu C.Thanhlira, President KDTOA te an tel bawk a ni.